پونچھ میں لاک ڈاون کا اثر نمایاں غیر سرکاری تنظیم سر سید ایجوکیشن مشن کا لوگوں سے تعاون کی اپیل

کرونا وائرس کے چلتے جہاں پوری دنیا میں سخت اقدامات اٹھائے جارہے ہیں وہیں ہندوستان میں بھی وزیرِ اعظم مودی کی کال کا نمایاں اثر دیکھنے کو مل رہا ہے
ادھر جموں کشمیر کے ضلع پونچھ میں بھی لاک ڈاؤن کا اثر نمایاں دکھائی دے رہا ہے یہاں پر ضلع انتظامیہ کے ساتھ ساتھ غیر سرکاری تنظیمیں بھی بڑھ چڑھ کر حصہ لے رہی ہیں اور لوگوں کو اس بارے مکمل جانکاری احتیاطی تدابیر بتائی جا رہی ہیں
اس ضمن میں سرسید ایجوکیشن مشن کے سیکرٹری اعجاز صدیقی نے لوگوں سے اپیل کی ہے کہ وہ گھروں میں رہے اور احتیاطی تدابیر اپنائیں تاکہ اس وبائی مرض کو پھیلنے سے روکا جاسکے
اور اس کے علاوہ سرسید ایجوکیشن مشن نے لوگوں کو یقین دلایا ہے کہ جہاں کہیں بھی ہماری ضرورت پڑی ہم آپ کے لئے ہمہ تن حاضر ہیں
دوسری جان ضلع انتظامیہ نے بھی سخت قدم اٹھائے ہیں اور لاک ڈاوں خلاف ورزی کرنے والوں کے خلاف سخت سے سخت کارروائی عمل میں لائی جارہی ہے یہاں تک کہ ضلع ہسپتال پونچھ میں بھی لوگوں کی تعداد میں نمایاں کمی نظر رہی ہے