جموں و کشمیر ٹیچرز ایسوسی ایشن کی جانب سے شریف مغل صاحب کے انتقال پر اظہار تعزیت

جی این ایس آنلائن نیوز پورٹل 

جموں دسمبر ۲۸۔۔جموں و کشمیر ٹیچرز ایسوسی ایشن (جے کے  اے) نے آج اپنے ایک اہم بیان میں معروف استاد محمد شریف مغل کے انتقال پر گہرے رنج و غم کا اظہار کیا ہے۔ شریف مغل صاحب نہ صرف ایک بہترین معلم تھے بلکہ وہ انسانیت کی خدمت کے جذبے سے سرشار ایک عظیم شخصیت بھی تھے، جنہوں نے اپنی ساری زندگی تعلیم کے فروغ کے لیے وقف کر دی۔

جے کے ٹی اے کے میڈیا ترجمان صداقت ملک نے اپنے تعزیتی بیان میں کہا:
“شریف مغل صاحب نے اپنی زندگی علم کے فروغ اور اساتذہ کے حقوق کی بحالی کے لیے وقف کر رکھی تھی۔ وہ ایک مثالی استاد، اور ایک عظیم انسان تھے، جنہوں نے ہمیشہ معاشرے کی بہتری کے لیے کام کیا۔ ان کی خدمات ہمیشہ یاد رکھی جائیں گی اور ان کی جدوجہد آئندہ نسلوں کے لیے مشعل راہ ثابت ہوگی۔”

شریف مغل صاحب نے تعلیم کے شعبے میں اپنی انتھک محنت اور غیرمعمولی کارکردگی کے ذریعے نہ صرف اپنے ادارے بلکہ پوری تعلیمی برادری کو متاثر کیا۔ انہوں نے نہ صرف درس و تدریس کے میدان میں کامیابی حاصل کی بلکہ اساتذہ کو درپیش مسائل کے حل اور ان کی فلاح و بہبود کے لیے بھی نمایاں کردار ادا کیا۔ ان کی عاجزی، خلوص، اور خدمت کے جذبے نے انہیں تمام حلقوں میں انتہائی محبوب اور قابلِ احترام شخصیت تھے۔

جموں و کشمیر ٹیچرز ایسوسی ایشن اس المناک سانحے پر مرحوم کے اہل خانہ، دوستوں، اور ساتھیوں کے ساتھ دلی تعزیت کا اظہار کرتی ہے۔ ہم دعا کرتے ہیں کہ اللہ تعالیٰ مرحوم کو جنت الفردوس میں اعلیٰ مقام عطا فرمائے اور ان کے اہل خانہ کو صبر جمیل عطا کرے۔

یہ اساتذہ برادری اور تعلیمی شعبے کے لیے ایک ناقابلِ تلافی نقصان ہے، اور ان کی کمی کو پورا کرنا ممکن نہیں۔ جے کے ٹی اے ان کے مشن کو جاری رکھنے اور ان کے خوابوں کو عملی جامہ پہنانے کے لیے اپنی بھرپور کوششوں کا اعادہ کرتی ہے۔