کرونا وائرس کے چلتے عوام سادگی سے اپنے گھروں میں نماز ادا کر کے رب کریم کو راضی کریں۔ عثمان چوہدری

پونچھ// دنیا بھر میں کرونا وائرس کے چلتے ورلڈ وائڈ لاک ڈاؤن کے باعث و سماجی دوری قانون کے پیش نظر لوگوں کو اپنے اپنے گھروں میں رہنے کی ہدایات ہیں اس دوران رمضان المبارک و اب عیدالفطر بھی سادگی سے مناۓ جانے کی اپیل کرتے ہوۓ مشہور سماجی کارکن عثمان چوہدری نے کہا کہ اس وقت پوری دنیا ایک وبائی مرض سے دوچار ہے جس سے نپٹنے کے لیے ہر ممکن اقدامات اٹھاۓ جا رہے ہیں اور انہیں اقدامات کے تحت لاک ڈاؤن کے چلتے ملک بھر میں ہر طرح کے اجتماعات پر پابندیاں عائد ہیں جس کی وجہ سے اس بار نماز عیدالفطر واجب کے بجاۓ مستحب ہے اس لیے لوگوں کو چاہیے کے علمائے دین کے مختلف فتوے دیکھ کر اس بار نماز عید اپنے اپنے گھروں میں ہی ادا کریں انہوں نے امت مسلمہ کو عیدالفطر کے موقع پر مبارکباد پیش کرتے ہوۓ کہا کہ وہ دعا گو ہیں کہ یہ دن پورے عالم اسلام پر خوشحالی لے کر آئے۔