کیول گاؤں میں نامیاتی کھیتی کے بارے میں بیداری پروگرام کا انعقاد

 جی این ایس آنلائن بدھل جولائی 17  

محکمہ زراعت راجوری، سب ڈویژن کوٹرنکہ نے پیر کو کیول میں نامیاتی کاشتکاری تحت ایک بیداری پروگرام کا انعقاد کیا۔
تقریباً 30 کسانوں نے پروگرام میں شرکت کی۔ اس موقع پر سرپنچ گرام پنچایت کیول لوئر محمد فاروق انقلابی مہمان خصوصی تھے اور سب ڈویژنل ایگریکلچر آفیسر راجن کمار ریسورس پرسن تھے۔
ایس ڈی اے او راجن کمار نے نامیاتی کاشتکاری کے مختلف فوائد کے بارے میں تفصیل سے بات کی .انہوں نے نامیاتی کاشتکاری کے بنیادی اصولوں پر لیکچر بھی دیا اور اس سلسلے میں ہر قسم کی تکنیکی اور مادی مدد کا یقین دلایا۔
اس موقع پر جے ای او دیوان چند نے بھی خطاب کیا اور کسانوں کو درپیش مختلف مسائل کو حل کرنے کی یقین دہانی کرائی۔ جے ای او ریاض احمد نے محکمہ زراعت کی مختلف سکیموں پر روشنی ڈالی۔ اس موقع پر خطاب کرتے ہوئے مہمان خصوصی سرپنچ فاروق انقلابی نے آرگینک فارمنگ کے اپنے مشن میں محکمہ کو مکمل تعاون کا یقین دلایا۔
اس موقع پر دیگر کے علاوہ پی آر آئی ممبر رفیق چوہان، صادق مغل، راشد پوسوال بھی موجود تھے۔اس موقع پر فیلڈ وزٹ کا بھی اہتمام کیا گیا۔