کشمیری قیدیوں کو آگرہ جیل میں منتقل کرنے کا فیصلہ واپس لیا جائے۔ کشمیریوں کو ڈرانے کے بجائے جائز مسائل کے حل کے لئے بات چیت کا راستہ اختیار کیا جائے۔ فاروق انقلابی

راجوری بدھل اکتوبر 22

جموں کشمیر پیپلز ڈیموکریٹک پارٹی کے ضلع نائب صدر محمد فاروق انقلابی نے وزارت داخلہ جموں کشمیر سے مطالبہ کیا ہے کے وہ کشمیری قیدیوں کو کشمیر کی جیلوں سے سنٹرل جیل آگرہ منتقل کرنے کا اپنا فیصلہ واپس لیں۔ میڈیا کو جاری ایک بیان میں اُنہوں نے کہا کے کشمیریوں کو ڈرانے والی پالیسی کو ترک کر کے کشمیری عوام اور سیاسی قیادت سے بات چیت کا راستہ اختیار کیا جانا چاہئے تاکہ تمام جائز مسائل کا حل نکالا جا سکے۔ فاروق انقلابی نے کہا کے جو مسائل بات چیت کے ذرئعے حل ہو سکتے ہیں اُن مسائل کو حل کرنے کے لئے طاقت کا استعمال نہیں کیا جانا چاہئے۔ اُنہوں نے کہا کے جموں کشمیر کی عوام کو یہ حق حاصل ہے کے اپنے حقوق کے لئے وقت کے حکمرانوں کے خلاف اپنی آواز بُلند کریں اور وقتی حُکمرانوں کا بھی یہ فرض بنتا ہے کے وہ عوام کی آواز کو دبانے کے بجائے اُن کو آواز کو سُنیں اور مسائل کو حل کرنے کی کوشش کریں۔