پنچائت حلقہ کیول کے آنگن واڑی مراکز میں نیوٹریشن تعقصیم کی گئی۔ ضلع کے تمام سرپنچ نیوٹریشن کی خریداری خود کریں۔ فاروق انقلابی

ضلع راجوری میں بلاک بُدھل کی پنچائت حلقہ کیول ترن کے آنگن واڑی مراکز میں آج مقامی سرپنچ محمد فاروق انقلابی کی نگرانی میں نیوٹریشن تعقصیم کی گئی۔ میڈیا سے بات کرتے ہوئے فاروق انقلابی نے کہا کے وہ لگاتار دو سال سے پرکیورمنٹ کمیٹی کے ذریعے آنگن واڑی مراکز کے لئے نیوٹریشن کی خریداری کر رہے ہیں جِسکا فائدہ پنچائت کے لوگوں کو ہو رہا ہے۔ اُنہوں نے کہا کے پنچائت سطح پر نیوٹریشن کی خریداری سے ایک تو مقامی تاجروں کو فائدہ پہنچتا ہے اور آنگن واڑی مراکز میں اچھی کوالٹی کا نیوٹریشن تعقصیم کرنے میں مدد مِلتی ہے۔ انہوں نے کہا کے ضلع راجوری کے تمام سرپنچ نیوٹریشن کی خریداری پرکیورمنٹ کمیٹی کے ذریعے کرنا تو چاہتے ہیں مگر ضلع کے کچھ آفیسران چند دُکانداروں کی مِلی بھگت سے طرح طرح کی رکاوٹیں ڈالنے کی کوشش کرتے ہیں جسکی وجہ سے پنچائتوں میں تشکیل دی گئی کمیٹیاں نیوٹریشن کی خریداری نہیں کر پاتی۔ فاروق انقلابی ضلع راجوری کے تمام سرپنچوں سے اپیل کی کے وہ آنگن واڑی مراکز کے لئے نیوٹریشن کی خریداری پنچائت میں تشکیل دی گئی پرکیورمنٹ کمیٹی کے ذرئعے کریں تاکہ لوگوں کے ساتھ ساتھ مقامی تاجروں کو بھی فائدہ ہو سکے۔ انہوں نے کہا کے اگر سرپنچ نیوٹریشن کی خریداری پنچائت سطح پر کریں گے تو اُس کے لئے وہ سرپنچوں کی مدد کے لئے تیار ہیں۔