فاروق انقلابی کا کشتواڑ میں کلاؤڈ برسٹ کے المناک حادثے پر گہرے رنج و غم کا اظہار؛ فوری امدادی کارروائیوں اور طویل المدتی بحالی اقدامات کا مطالبہ

جی این ایس آنلائن نیوز پورٹل 

سرینگر، 14 اگست:پیپلز ڈیموکریٹک پارٹی (پی ڈی پی) کے سینئ رہنما محمد فاروق انقلابی نے ضلع کشتواڑ کے پاڈر علاقے میں کلاؤڈ برسٹ کے دلخراش واقعے پر گہرے رنج و غم اور افسوس کا اظہار کیا ہے، جس میں کئی قیمتی جانیں ضائع ہو گئیں جبکہ متعدد افراد لاپتہ یا زخمی ہوئے ہیں۔

> “میں پاڈر، کشتواڑ سے آنے والی اس اندوہناک خبر پر دل گرفتہ ہوں، جہاں ایک شدید کلاؤڈ برسٹ نے کئی افراد کی جان لے لی اور متعدد کو لاپتہ یا زخمی کر دیا۔ میری دلی ہمدردیاں سوگوار خاندانوں کے ساتھ ہیں۔ میں مرحومین کے درجات کی بلندی اور متاثرہ افراد کی جلد صحتیابی و حوصلے کے لیے دعاگو ہوں،” فاروق انقلابی نے کہا۔

اس سانحے کی سنگینی کو مدنظر رکھتے ہوئے، فاروق انقلابی نے حکومتِ ہند اور جموں و کشمیر کی مرکزی حکومت سے پُر زور اپیل کی کہ وہ امدادی اور بچاؤ کی کارروائیوں کو تیز کریں۔ انہوں نے متاثرہ اور بے گھر افراد کی فوری بازآبادکاری اور مکمل طبی اور لاجسٹک سہولیات کی فراہمی پر زور دیا۔

انہوں نے مزید کہا کہ متاثرہ خاندانوں کے لیے طویل المدتی معاونت کے اقدامات ناگزیر ہیں اور اس کے ساتھ ساتھ ایسے قدرتی آفات سے متاثرہ علاقوں میں ماحولیاتی تبدیلیوں سے ہم آہنگ انفراسٹرکچر کی تعمیر کی اشد ضرورت ہے۔

> “یہ وقت اتحاد، ہمدردی اور فوری عمل کا ہے۔ آئیں ہم سب کشتواڑ کے عوام کے ساتھ ان کے دکھ کی اس گھڑی میں کھڑے ہوں،” انہوں نے مزید کہا۔

پی ڈی پی رہنما نے تمام متعلقہ حکام اور سول سوسائٹی کے افراد سے اپیل کی کہ وہ آگے آئیں اور ہر ممکن طریقے سے متاثرہ افراد کی امداد میں اپنا کردار ادا کریں۔