جی این ایس آنلائن نیوز پورٹل
رپورٹ: بشارت – صحافی
پٹھان محلہ، ٹران گرام پنچایت کیول لوئر، بلاک بدھل – گزشتہ رات ایک تباہ کن لینڈ سلائیڈنگ کے نتیجے میں محمد جمیل ولد سعین خان کا رہائشی مکان و مویشی خانہ مکمل طور پر تباہ ہو گیا، جس کے باعث دو گھوڑے موقع پر ہی ہلاک ہو گئے۔ واقعے کی اطلاع ملنے پر سینئر پی ڈی پی رہنما فاروق انقلابی نے متاثرہ علاقے کا دورہ کیا اور متاثرہ خاندان سے ہمدردی کا اظہار کیا۔
فاروق انقلابی نے ضلعی انتظامیہ سے مطالبہ کیا کہ وہ متاثرہ خاندان کو فوری ریلیف فراہم کرے اور ان کی بازآبادکاری کے لیے مؤثر اقدامات کرے۔ انہوں نے کہا کہ ایسے قدرتی سانحات میں انتظامیہ کو فوری اور مؤثر کارروائی کرنی چاہیے۔
انہوں نے سی آر پی ایف 237 بٹالین کے اسسٹنٹ کمانڈنٹ اور جوانوں کی بروقت کارروائی کو سراہا، جنہوں نے صبح سویرے پٹھان محلہ پہنچ کر متاثرہ گھر سے خاندان کے افراد کو بحفاظت ریسکیو کیا۔ فاروق انقلابی نے فرنٹ لائن پر کام کرنے والے سی آر پی ایف اہلکاروں کی جرات اور محنت کو خراج تحسین پیش کیا۔
سینئر پی ڈی پی رہنما نے پہاڑی علاقوں میں ایسے قدرتی سانحات سے نمٹنے کے لیے حکومتی تیاری اور حساسیت بڑھانے پر زور دیا۔
Users Today : 210
Users Yesterday : 210