رحمۃ اللعالمین فاونڈیشن کے زیراہتمام ٹیگور ہال سرینگر میں یک روزہ ”سالانہ رحمۃ اللعالمین کانفرنس“ کا انعقاد

جی این ایس آنلائن نیوز پورٹل 

سرینگر نومبر ۲۸رحمۃ اللعالمین فاونڈیشن کے زیراہتمام ٹیگور ہ سرینگر میں یک روزہ ”سالانہ رحمۃ اللعالمین کانفرنس“ کا انعقاد کیا گیا کانفرنس میں جموں وکشمیر کے جید علمائے کرام ، مفتیان عظام ، دانشور حضرات اور لوگوں کی ۔ایک بڑی تعداد نے شرکت کی

کانفرنس میں جن سرکردہ علما اور دانشور حضرات نے مذکورہ موضوع کی مناسبت سے اپنے خیالات کا اظہار کیا ان میں خاص کر ڈاکٹر سمیر شفیع صدیقی آغا مسرور عباس انصاری صاحب چیرمین اتحاد المسلمین، مولانا مفتی مدثر احمد قادری سربراہ کاروان ختم نبوت انٹرنیشنل، مولانا غلام محمد گلزار چیرمین الزہراء ٹرسٹ، مولانا عاشق حسین صاحب،چیرمین توحید پبلک اسکول، مولانا سید علی اصغر اوڈی، مولانا سید رفاقت حسین اوڈی، مولانا سید مجتبی ، مولانا مومن حسین، مولانا ہلال احمد ملک، مولانا گلزار احمد میر صدر ضلع سرینگر کاروان ختم نبوت انٹرنیشنل، محترم سپزار احمد ڈار ایڈوائزر کاروان ختم نبوت انٹرنیشنل، سید اشتیاق گیلانی جموں، لال دین میر صاحب، ڈاکٹر رضا صاحب کرگل، ڈاکٹر مہجبینہ نبی ،ڈاکٹر توصیف احمد بٹ،ڈاکٹر محمد حسین، سجاد احمد شولا سیمایل فاونڈیشن وقار فیاض، کشمیر فاونڈیشن سید مجتبی، شازیہ اندلیب اعجاز احمد پال صاحب، انسانیت فاونڈیشن سید ظہیر عباس پونچھہ اور دیگر ممبران وکارکنان اور کثیر تعداد میں فرزندان توحید نے شرکت کی

اجلاس کی صدارت چیرمین رحمۃ اللعالمین فاونڈیشن جناب شیخ فردوس علی اور نظامت کے فرائض محمد حسین زالپوری نے انجام دیئے۔
مقررین نے سیرت رحمۃ اللعالمین صلی اللہ علیہ وسلم پر مفصل روشنی ڈالی جب کہ علماء کرام نے جموں وکشمیر کی سماجی اور معاشرتی صورتحال کے تناظر میں اس طرح کے اجلاس اور کانفرنسز کشمیر کے ہر ضلع میں منعقد کرنے کی ضرورت کو حالات کا ناگزیر تقاضا قرار دیتے ہوئے کہا کہ آج کشمیری سماج جس ابتر صورتحال سے دوچار ہے اور ایک طرف منشیات ، نشہ آور چیزیں ، شراب اور متعدد سماجی بیماریوں نے پورے سماج کو اپنی لپیٹ میں لے رکھا ہے اور دوسری طرف چند موقعہ پرست عناصر یہاں کی مسلکی اور فرقہ وارانہ ہم آہنگی کے ماحول کو زک پہنچانے کی مذموم کوششوں میں لگے ہیں ۔
مقررین نے اس بات پر زور دیا ان تمام برائیوں اور عوامل کیخلاف متحدہ طور جدوجہد کرنا وقت کی اہم ترین ضرورت ہے اس حوالے سے رحمۃ اللعالمین فاونڈیشن کی کوششوں کو آگے بڑھانے کے عزم کا اظہار کرتے ہوئے کہاکہ جناب شیخ فردوس علی نے سماجی برائیوں کیخلاف جس ریاست گیر مہم کا آغازکیا ہے وہ ہر لحاظ سے قابل ستائش ہے
آخر پر چیرمین رحمۃ اللعالمین فاونڈیشن شیخ فردوس علی اس بات پر زور دیا کہ من حیث القوم ہم آج جن شدید مسائل ، مصائب اور مشکلات سے دوچار ہیں ان کا تقاضا ہے کہ ہم اتحاد کے علم کو تھامے رکھیں اور شرپسند عناصر کے عزائم کو ناکام بنائیں۔
کانفرنس کے داعی چیرمین رحمۃ اللعالمین فاونڈیشن جناب شیخ فردوس علی نے تمام مدعو علمائے کرام اور لوگوں کا اس کانفرنس کو کامیاب بنانے پر ان کا شکریہ ادا کیا