جی جی ایم نبارڈ بدھل میں ایف پی او کے دفتر کا افتتاح کی رجسٹریشن سرٹیفکیٹ بورڈ کے حوالے کٸے۔۔ ڈ

جی این ایس آنلائن راجوری 

بدھل م مارچ ۲۰ :-جی جی ایم  نبارڈ ڈاکٹر اجے کمار سود،  آج بدھل، راجوری میں بدھل والنٹ اینڈ ہارٹی پروڈیوسرز کوآپریٹو لمیٹڈ کے دفتر کا افتتاح ایف پی او کے اراکین اور مختلف محکموں کے عہدیداروں کی موجودگی میں کیا۔ انہوں نے تقریب کے دوران FPO کے بورڈ ممبران کو رجسٹریشن سرٹیفکیٹ بھی حوالے کیا۔

اس موقع پر بات کرتے ہوئے CGM NABARD نے بتایا کہ NABARD کی طرف سے ضلع راجوری میں سنٹرل سیکٹر سکیم کے تحت ترقی یافتہ یہ چوتھا FPO ہے جس کے لئے JKDCUL کو CBBO کے طور پر مقرر کیا گیا ہے۔ انہوں نے مرکزی سیکٹر کی جاری اسکیم کے تحت ایف پی اوز کو نبارڈ کی طرف سے دی جانے والی مدد اور ایف پی او کے دائرے میں آنے کے بعد خطے کے کسانوں کو ملنے والے مختلف فوائد پر روشنی ڈالی۔ انہوں نے کسانوں اور پی آر آئی ممبران سے بھی درخواست کی کہ وہ اس سکیم کو کامیاب بنانے کے لیے ہر ممکن کوشش کریں تاکہ نچلی سطح پر فوائد حاصل کیے جا سکیں جس کے نتیجے میں کسان برادری کی آمدنی میں اضافہ ہو گا۔
قبل ازیں جلسہ سے خطاب کرتے ہوئے کنو شرما، ڈی ڈی ایم، نبارڈ نے ایف پی او اسکیم کے مقاصد اور کسان برادری کے لیے اس اسکیم کے تحت حکومت کی طرف سے پیش کیے جانے والے فوائد کے بارے میں تفصیل سے بتایا۔ انہوں نے یہ بھی بتایا کہ اس علاقے میں اخروٹ کی فصل کی مارکیٹنگ کی بڑی صلاحیت ہے اور FPO اخروٹ کی مارکیٹنگ اور اس کی ویلیو چین کی ترقی میں اہم کردار ادا کر سکتا ہے جس کے نتیجے میں اخروٹ کے کاشتکاروں میں اضافہ ہوگا۔ انہوں نے حال ہی میں ترقی پانے والے ایف پی او کو نبارڈ اور دیگر لائن ڈپارٹمنٹس کی طرف سے ہر طرح کے تعاون کا یقین دلایا۔
بورڈ کے صدر محمدفاروق نے تقریب کی نظامت کی اور اس اقدام کے لیے نبارڈکا شکریہ ادا کیا اور ممبران کی جانب سے بدھل میں اس اسکیم کو کامیاب بنانے کے لیے اپنے تعاون کا یقین دلایا۔ انہوں نے بلاک کی پروفائل اور اس علاقے کے کسانوں کو اپنی پیداوار کی مارکیٹنگ میں درپیش مختلف چیلنجوں کے بارے میں بھی ایک مختصر تفصیل پیش کی۔ انہوں نے امید ظاہر کی کہ ایف پی او کے دائرہ کار میں آنے کے بعد ان کے بہت سے مسائل وقت پر حل ہو جائیں گے۔

شکریہ کا کلمہ وکرانت ڈوگرا، نے کیا جو کے CBBO کے چیرمین ہیں۔انہوں نے اس ایف پی او کو فروغ دینے کے لیے نبارڈکا شکریہ ادا کیا جو بدھل خطے کے کسانوں کے لیے ایک سنگ میل ثابت ہو گا اور ان کی معاشی ترقی کا باعث بنے گا۔

اس موقع پر موجود دیگر افراد میں لیڈ ڈسٹرکٹ مینیجر جموں کشمیر بنک سنجیو بھسین، محمد رشید شاہین، ممبر کسان ایڈوائزری بورڈ، محترمہ شمیم اختر، بی ڈی سی بدھل، سنیل چودھری، سرپنچ بھوانی اور بلاک بدھل کے مقامی پی آر آئی ممبران، گلزار قاضی، پرویز ملک، لیاقت چودھری، یونس چودھری، عزیز ناٸک شامل ہیں۔