اے ڈی سی کوٹرنکہ نے دور دراز علاقوں کا دورہ کیا، گرام پنچایت کیول کے لوگوں، پی آر آئی ممبران سے ملاقات کی

جی این ایس آنلائن کوٹرنکہ

کوٹرنکہ نومبر ۲۶

کوٹرنکہ سب ڈسٹرکٹ کے دور دراز علاقوں کے اپنے دوروں کو جاری رکھتے ہوئے، ایڈیشنل ڈپٹی کمشنر (اے ڈی سی) کوٹرنکہ سریندر موہن نے سرپنچ فاروق انقلابی کے ساتھ آج بدھل بلاک میں گرام پنچایت کیول لور کے دور دراز علاقوں کا دورہ کیا۔ دورے کے دوران اُنہوں نے سڑک کنیکٹیویٹی، بجلی کی فراہمی، تعلیمی ادارے اور ہیلتھ سب سنڑرز میں عوام کو دی جارہی سولیات کا جاٸزہ لیا۔

سرپنچ کیول فاروق انقلابی نے اے ڈی سی کو ایک تفصیلی میمورنڈم پیش کیا جن میں ترن تا سیاری سڑک کی تکمیل، اسکول اور ہیلتھ سینٹر کی عمارتوں کی تعمیر، کنگوٹہ آنس ندی پر پُل کی تعمیر، ترن سے کنگوٹہ تک سڑک کی تعمیر، کنگوٹہ آئی ایس ایم ڈسپنسری کی عمارت کی تکمیل شامل ہیں۔
اس موقع پر اے ڈی سی نے پی آر آئی ممبران اور گرام پنچایت کیول کے مکینوں کو یقین دلایا کہ ان کے تمام جاٸز مطالبات کو ترجیحی بنیادوں پر پورا کیا جائے گا۔ اے ڈی سی نے تمام لائن محکموں کے عہدیداروں کو ہدایت دی کہ وہ مشن موڈ میں کام کرنے کے علاوہ گرام پنچایت میں ضروری اشیاء اور خدمات کی بلا تعطل فراہمی کو یقینی بنانے کے لئے ایک دوسرے کے ساتھ تال میل قائم کریں۔ انہوں نے آر اینڈ بی، جل شکتی، پی ڈی ڈی اور دیگر لائن محکموں کے افسران کو ہدایت کی کہ وہ اپنے مقامات پر تعینات رہیں اور عوام کو ضروری اشیاء اور خدمات کی فوری فراہمی کو یقینی بنائیں اور ہنگامی ضروریات کو پوری تیاری کے ساتھ حل کریں۔

اے ڈی سی نے متعلقہ افسران کو یہ بھی ہدایت کی کہ قیمتوں میں من مانی اضافے اور غیر قانونی ذخیرہ اندوزی کو روکنے کے لیے مارکیٹ کی باقاعدہ چیکنگ کی جائے۔

قبل ازیں اے ڈی سی نے گرام پنچایت کے ہیلتھ سب سنٹرز، مڈل سکول سیاری کا دورہ کیا اور عملے کی دستیابی اور دیگر سہولیات کا جائزہ لیا۔ اس موقع پر اے ڈی سی نے طلباء، اساتذہ اور والدین سے بات چیت کی۔ انہوں نے اداروں کے سربراہان کو ہدایت کی کہ وہ طلباء کی حاضری کو سو فیصد یقینی بنائیں تاکہ ضرورت مند طلباء کو معیاری تعلیم فراہم کی جا سکے۔دریں اثناء مقامی لوگوں اور پی آر آئی ممبران نے موسم کی خراب صورتحال میں ان تک پہنچنے پر اے ڈی سی کا شکریہ ادا کیا۔